Rev. K. Itei hnohta Doctor of Divinity hlâpa a châ

Rev. Dr. K. Itei nohthlahpa

Rev. Dr. K. Itei nohthlahpa

Rev. K. Itei cha Awnanopa nata Khitlâh châta a raihriapa phana zawhzi ta International Institute of Church Management (IICM), Florida, USA tawhta Doctor of Divity (DD)Degree hlâpa a châ. Rev. Dr. Itei he ECM Awnanopa liata kyh toti liata nôpaw chaipa pakha châ ta, Awnanopa liata chhochhi cha Rev. Dr. Laikai nata ano Awnanopa ‘Otôh’ hawhta pachâ thei awpa châ ta. Atanoh ta Doctorate Degree hlâpa a châpa he alykheituhpa ama hluh kaw.

He Degree a châna liana heta Rev. Dr. T. Laikai cha a mentor (baotuh chaipa) châta hmâh ta. Awnanopa nata khitlâh châta rai a vaw hriana Bio-Data zydua cha IICM lâta ama paphao. Cha hawhta Bio-Data a paphao tawhna chata University lâ tawhta hiahhrina ama hneipazy vaw hiahhri ei ta, cha zydua â chhy khai tawhta University lâta biehneituhpazy ta Doctor of Divinity hlâ awpa awpa he paryhsapa ta, Dt. 27th September 2014 ta Chennai liata Convocation hneipa liana khata In Abstention ta hlâpa a châ. Ano (Rev. Dr. K. Itei) he Convocation â hlao thei leipa vâta atahma he Certificate he vaw tlô mâh vei.

Rev. Dr. K. Itei heta Awnanopa nata Khitlâh châta a raihriana he reikhi tloh hmeiseih ta. Thyutliapa hluhpizy châta mopâtlâh a châ hmeiseih. Thokha vaw palâsa ei sihla:

1. Member, School Text  Book Committee : 1973 – 1976; 2. Jail Visitor – 2 term (kô 6, he he Mizoram UT daihti nota Lt. Governor tawhta Appointment); 3. Chairman, ECM Assembly – 3 terms; Moderator – 1 term; 4. Senior Executive Secretary – 2 terms (6 years). He hleikhô ta Executive Secretary, Mission, Education, Literature, etc. châna zy vaw patu lyma ta. Secretary, Constitution Revision Board zy, Translator, Bible Society of India (BSI), Secretary nata President (BSI) zy a vaw patu haw hra. Tawhla, Chabu ropazy thokha cha – Awnanopa nata Hmopiepa ta Chakaona, Amosa Chhopasiana, Pachuna Dopa, Krista Palôhrupa, tahpazy a châ.

Rev. Dr. Itei ta Doctor of Divity a vaw taopa he ECM Assembly ta alykhei hmeiseih ta, a hmiala daihti châta khokheina eima hlâ hra.

Leave a Reply

Your email address will not be published. Required fields are marked *