Pastoral Conference hneipa a cha

Dt. 30th April 2015 khata Pastoral Conference, Bethel Hall liata hneipa cha ta, ECM Pastor nata Probationary Pastor 41, Service nga haipazy ama hlao. He Pastoral Conference liana heta ECM Assembly ei 92-na ta a vaw pathlupa “A rah pohpalohpa liata Hmopiepa Chakaona hneipa cha mawh sy” tahpa a laichadai nawpa nata Pastor’s Dairy 2014 Review zy rei viapa a cha.

IMG_20150430_114653“Hmopiepa Chakaona” siekheina chochah liata Pastor zy cha Bia kha tlyma, Bia no zy tlyma a pakaohpa ta hmopiepa chakaona he July thlapa liata hneipa cha sala. He a pakaohna dah nata sievawna (Tour Program) cha Office la tawhta taopa cha mawh sy, tahpa pathlupa a cha. Tawhla, he Program chata siekheina dah (Guidelines) cha Rev. Laiu Fachhai, Moderator-Elect ta vaw patohpatia mawh sy, tahpa a cha hra. He hleikho ta Rev. Thylua Hlychho ta Seminar Paper a ropa, “Bible nata Soh Kyh” tahpa chhao Pastor zydua piepa cha ta, cha chhao cha a vaw chu chhielie awpa ta sopa a cha hra.

IMG_20150430_114619

Pastor’s Dairy chochah liata atahma ta hma ngahaipa he Data Table thokhazy cha a pabietuhpa nata a reihtuhpazy chata noraih achhihpa a ypa ta pahnopa cha ta. Chavata, Data Table zy cha taopathi cha sala, tahpa pathlupa a cha hra. He Data Table panano byuhpazy vaw mohpazi awpa ta Rev. Chhuakhu Khithie nata Pro.Pastor A.Zawngia zy ta Pastoral Co-ordator zy ama vaw mokhei awpa raopa ama cha hra.

He Pastoral Conference he zala dawh 3:30 ta patlopa cha ta, Bethel Awnanopa ta pati pahah kawpa a pachhuahpanopa cha thapha kawpa ta dohpa a cha hra.

Leave a Reply

Your email address will not be published. Required fields are marked *