Meisavaih Pastor Bia ta Sunday School Pakhypi hnei

Meisavaih SS pakhypi Zawpi

Meisavaih SS Pakhypi

Meisavaih Pastor Bia ta a ei1-na châta Sunday School Pakhypi, Bethesda Local Church liata zâhnia Dt. 2nd November 2014 (Sunday) khata hnei ei ta, daihti pha kawpa ama hmâh. He Sunday School Pakhypi he World Sunday School Day pachhyhpa ta hmâpa châ ta, Beginners, Primary, Junior nata Batina achuhaipa (scholars) zy châta ataopasuana chhao patohpatiapa a châ.

My pakhyna daihti he Meisavaih Pastor Bia Standing Chairman, Mc. Pachi Hlychho ta chhihtha ta, Biatuhpa Pastor Rev. K.Laichhua ta Abeipa bietana a reih. Meisavaih KTP Hlapy ta hla pha kawpa paryh ei ta, Ls. Damary P. Hlychho ta Abeipa reithaina hla sâna a hnei hra.

Ataopasuana daihti liata Bia Standing Chairman Elect, Mc. Beimosa Azyu ta chhihtha ta, ataopasuana cha Group Recitation, Chareipakhyna hla, Quiz Competition, etc. zy hneipa a châ. He ataopasuana liana heta a pôhpalôhpa ta Immanuel Sunday School Department zy cha taophachai ei ta, sâkhana ta phuahpa ama châ. Sânona cha Bethesda Sunday School Deptt. nata Meisavaih Sunday School Deptt. cha sâthohna ama châ. A lyma chhao sâkhana Rs. 1600/-, sânona Rs. 1400/- nata sâthôhna Rs. 1200/- hlâpa ama châ. Zâhnia zâ ta Pro. Pastor A.Zawngia ta Sunday School Scholars zy hnohta Abeipa bietana reih ta, daihti pachhâsapa a châ.

Macha Pachi Hlychho

Machâ Pachi Hlychho, Chairman

Zawpi, Meisavaih SS Pakhypi

Zawpi, Meisavaih SS Pakhypi

Leave a Reply

Your email address will not be published. Required fields are marked *