Meisavaih Pastor Bia Ryreina patlô haw

Meisavaih Pastor Bia Ryureina

Meisavaih Pastor Bia Ryureina

Evangelical Church of Maraland, Meisavaih Pastor Bia Ryureina ei 9-na cha Dt. 10th October 2014 zâ tawhta Immanuel Local Church liata pathaopa châ ta, Dt. 12th October 2014 zâ khata pachhâpa a châ. He Meisavaih Pastor Bia liana heta Local Church sathôh – Meisavaih, Immanuel nata Bethesda zy ama y. He Meisavaih Pastor Bia Ryureina he Bia Standing Outgoing Chairman Mc M.C. Rosanga ta Chutyhnoh zâ pakhyna chhihtha ta, a mylâ Dt. 11th October 2014 my ryureina liata Chairman Mc. Pachi Hlychho hnohta daihtina nata ryureina siekhei awpa ta hlâna ku chalyupa ta hlâ ta, Mc. Pachi Hlychho ta ryureina nata apakhyna daihti zyudua a chhihtha.

He Bia ryureina liana heta a hmiatua lâta Chakaotuhpa a thi hapa taokheina hneipa châ ta, Chairman Elect atlyna hneipa a châ hra. Chairman Elect châta Mc. A. Beimosa, Bethesda cha Uncontest ta atlyhpatlohpa a cha hra. Atakô Official Agenda 12, Local Church Agenda 19 reipahmaohpa châ ta. Official Agenda 11 apyhpa châ ta, sâkha ngâlâ a pyh leipa a châ. He a pyhpa hry liata Bia châta Agenda 7 châ ta, Presbytery a tlô awpa Agenda -1 nata Assembly tlô awpa Agenda – 3 zy a châ. Atakô Bia ryureina liana heta Khichhôh Machâ lapangiapa y leipa ta. Presbytery Ryureina liata Machâ chahnao awpa manôh 3 ama hnei. Chazy cha – 1) K/M Pachô Hlychho, Meisavaih, 2) K. Mc. L. Vachi, Bethesda nata 3) K. Mc. HC. Silla, Bethesa zy ama châ.

Local Church Agenda 19 zy hry liata Agenda 12 a pyhpa châ ta, Assembly tlô awpa Agenda 3 a hlao hra. Machâ pathlie (Pension) awpa pakha Mc. KL Mahei hnei ei ta. Machâ Post 4 hiachhi awpa a hlao hra. Atakô Bia ryureina ama hneina liata Rev. K.Laichhua Azyu nata Pro. Pastor A.Zawngia chhao ta athaona tawhta a chhana taihta ama hmâkhei hra.

Atakô Bia Ryureina liana heta Biepipa châta “Krista Palôrupa” tahpa hmâpa châ ta, Speaker zy cha – Chutyh zâ liata Mc. J.Beichô, Statistician (Nohto hro liata); Pachyh zâ liata Mc. T. Meibi, Asst. Secretary (Kyhpachana liata); Abeipanoh my Pro. Pastor A.Zawngia (Krizyhpa chhôhkha paduana liata) nata Abeipanoh zâ liata Mc. M.C. Rosanga, Outgoing Chairman (Thatihpa chhona) zy ta ama châ. Abeipanoh nochhô ta Abeipa Zâpati Rev. K. Laichhua Azyu ta a patohpatiapa hra. Hlapy chhao Meisavaih, Immanuel nata Bethesda KTP zy ta zâ chareih ta Abeipa reithaina hla ama paryh tyh.

Atahmâ Term liata Chhihthatuhpazy, zakô lâ tawhta vaw siekhei hapazy ta 2014 taihta chhihtha aw ei ta, chavâta Chairman deita ama thla. Atahma Term liata Office Bearer zy cha – Chairman – Mc. Pachi Hlychho, Chairman Elect – Mc. A.Beimosa, Secretary – Mc. JH. Chôhmô, Asst. Secretary – Mc. T. Meibi, Finance Secretary -cum- Treasurer – Mc. JC.Zawsi nata Statistician – Mc. J. Beichô zy châ ei ta. Pastor zy cha Rev. K. Laichhua Azyu nata Pro. Pastor A.Zawngia zy ama châ. Hâhkô Bia Ryureina cha Bethesda Local Church liata pahniehpa a châ aw.

Abeipanoh My Pakhyna (Speaker - Pro. Pstr. A.Zawngia)

Abeipanoh My Pakhyna (Speaker – Pro. Pstr. A.Zawngia)

Mc. KL Mahei, Macha Pension ha awpa (Middle), Pro. Pstr. A.Zawngia (Left), Mc. JH Chohmo (Right)

Mc. KL Mahei, Macha Pension ha awpa (Middle), Pro. Pstr. A.Zawngia (Left), Mc. JH Chohmo (Right)

Leave a Reply

Your email address will not be published. Required fields are marked *