Meisavaih Pastor Bia Mission Convention Hmah

Meisavaih Pastor Bia ta Mission Convention ei 9-na, Bethesda Local Church liata Dt. 2nd May 2015 za tawhta Dt. 3rd May 2015 za taihta ama hmah. He hawhta Mission Convention ama hnei tyhna chhapa cha, Meisavaih Pastor Bia ta Mission chakaona lachhah ama hra via thei nawpa nata Bia ta Missionary a chyh nga haipazy mohhohna chata thyunazy hnabeiseihpa vata ko chareih ta ama vaw tao tyhpa a cha. Ama hnabeiseihpa hawhta nata ama tao tyhpa hawhta he Mission Convention daihti chhoh heta Meisavaih Local Church nata Immanuel Local Church zy chhao khawpa cha ei ta, Betheda Local Church liata apakhyna hnei tyhpa a cha.

IMG_20150503_100946

Atako 2015 liana Mission Convention Biepipa cha ta, “Leidiapazy Pachha awpa ta” (Lk. 19:10) hmapa cha ta, Dt. 2nd May 2015 (Pachyhnoh) za liata Mc. SC Zathy ta, “Leidiapazy pachha awpa he Khazohpa biepiepa a cha” tahpa hmapa ta Abeipa bie reipakawhna nata pachuna hnei ta. Dt. 3rd May 2015 (Abeipanoh) my Pakhyna liata Biatuhpa Rev. K. Laichhua Azyu ta, “Leidiapazy pachhana cha moto ta hria awpa a cha” tahpa biepipa hmapa ta Abeipa bietana a reih hra. A chha za, Dt. 3rd May 2015 (Abeipanoh) za Pakhyna liata Pro. Pastor A.Zawngia ta, “Leidiapazy pachhana cha Khatinorai ta hria awpa a cha” tahpa biepipa hmapa ta Abeipa bietana a reih hra.

IMG_20150503_100904

Vahneichhih kawpa ta Pastor L. Khaily, Missionary, Tripura Mission Field liata a hria ngahaipa nata a chhohkhazy chhao he Mission Convention liata a hlao thei hra ei ta, zawpizy chhao ama thohkhei kaw. Apakhyna he Mc Pachi Hlychho, ta chhihtha ta, Immanuel KTP Hlapy nata Meisavaih KTP Hlapy zy ta Reithaina Hla a ngia ngaitapa paryh tyh ei ta, mopakha hlasapa – Ls. Kalvari Hlychho nata Ls. Joyceline A. Beinozi hleikho ta Bethesda KNP Group zy ta thai kawpa ta Abeipa reithaina hla ama sa hra. Thyuna zydua a tlohpakhypa cha Rs. 22,642/- a cha.

Leave a Reply

Your email address will not be published. Required fields are marked *