KPP Headquarters ta Branch Target Analysis Papua

KPP ta Half Yearly Analysis papua ta, Branch padua hapa nata padua (mah leipa) thei awpa hnabeiseihpa Branch 64 hnohta Target a rairuah. Annual Budget cha Rs. 1,00,000/- châ ta, he Target raina he May thla chhâna liata papuapa a châ. Target raipa a châ tawhta thla 3 chhôhta Branch 32 tawhta Target vaw daopa châ ta. He Branch Target he Rs. 58,000/- a châ nota Rs. 58,850/- daopa a châ. He liata Branch 2 ta ama Target pabie mah leipa ei ta, Branch 32 pangia mah veih ei.  Branch thokha hnabeiseihna ta Target raipa, chahrasala padua mah leipazy ama ypa vata Target he tloh lei thei awpa duasu liata ama duah ei ta. Anodeikuala thla 4 ama kaw sie awpa liata cha Branch a duah hawpazy deikua cha ama Target ama tloh khai awpa ta hnabeiseihpa ama châ.

Thla 3 hlei a vaw sie chhôhta Headquarters ta Budget liata a vaw hneipa hawhta Laptop Computers – 1 Rs. 29,750/-, Color Printers – 1 Rs. 15,000/- nata Revolving Chair sâ 1 Rs. 9200/- ama chalei haw.

KPP Headquarters ta Branch Target pangiapazy hnohta alyna biereina châ paphao ta, a pangia mâh leipazy hnohta chhao thlai vaw pangia awpa ta ahawna a tao. A chhâpa cha atahmâ he Branch zydua châta Flag pataosa haipa châ ta, KPP Chhihthana Bu chhao chhuh ngâ haipa a châpa vâta Headquarters sôh byuhna a vaw sâhpa vâta a châ tahpa ta Circular ama papua.

Bie baichhipa:

KPP he Branch thokhazy cha Local Church zy phahnai ngiahna ta ama ryhpaohna dah hawhta vaw padua chyu ei ta, ama paduana dah he alyu tla vei tah theipa a cha. ECM Assembly ta a vaw pahnokheina cha ko 2009 tawhna khata vaw cha ta, atahma cha ko 6 uhtheipa ama vaw cha haw hra. Zako 2014 July 19 liana khata Siaha Town liata Branch President nata Secretary zy Lorrain Hall liata Meeting awpa cha ei ta, Adhoc ta Headquarters OB nata Executive Body paduapa cha ta, he Adhoc Term Leader zy heta Headquarters Body paduana awpa ta liahsa ama patohpatia tawhta atako June 30, 2015 khata Siaha Vaihpi Local Church liata 1st KPP General Election-cum-Seminar hneipa ta Headquarters OB zy atlyna hneipa a cha. Chazy cha :

President : Puhpa J.B. Chozah

Vice President : Puhpa HC. Lalawmpuia

Asst. Secretary : Puhpa J. Rubena

Finance Secretary : Puhpa Pawbi Chozah,

Treasurer : PUhpa V.B. Mokhai.

Headquarters Executive Committee Member chata cha Chhihthana Bu hawhta Branch tawhta mo pakha chyu a vaw rao awpa ama cha.

KPP Headquarters OB & Executive Committee Members (Adhoc Term)

He hleikho ta Pro. Pastor A.Zawngia cha Coordinator chata ECM Assembly ta pie ta, Rev. Dr. S.T. Zawsi nata Macha T.Zahlei zy cha Senior Adviser chata piepa ama cha hra. Headquarters  Executive Meeting ei 1-na cha Dt. 15th October 2015 liata College Vaih, Siaha liata hneipa a cha aw.

Leave a Reply

Your email address will not be published. Required fields are marked *