KPP Headquarters Election-cum-Seminar June thla liata hnei aw

KPP Headquarters Executive Committee (HEC) Meeting, Dt. 7th June 2014, dawh 1:00 PM ta Lorrain Hall liata hneipa ta atako KPP Headquarters Office Bearer (HOB) Election ko a chapa vata Dt.12th – 14th June 2015 he hnei awpa ta vaw pathlu ta, he daihti liana heta “Krizyhpa Chhohkha Seminar” chhao hnei papa cha sala, tawhla a su chata Siaha Vaihpi Local Church cha mawh sy, tahpa ta lohraoh kawpa ta pathlupa a cha.

IMG_20150507_145224

He Meeting liana heta atako 2015 chata ama Budget chhao reipa cha ta. ECM Assembly ta a vaw pasaipa hawhta Rs. 1,00,000/- (rupees one lakh only) a pyhpa a cha hra. Anodeikuala, ama soh hnei chiehpa nata hmo hropa tawhta hnabeiseihpa Rs. 20,000/- a ypa vata Rs. 80,000/- cha Branch hnohta Target rairuahpa cha ta. Ama Expenditure chata Office Chhaichhi rakhapa –  Dyuchhai nata Dawkah, Computer, Printer, etc. zy a pyhpa a cha hra. Target rairuahna cha atanoh la liata O.B. Meeting ta mohpathi aw ta, Co-ordinator Draft taopa hawhta a cha khiatala, Branch 55 hnohta raipa cha ta, Branch Target a sah chaipa ta Rs. 3000/- nata a hnai chaipa ta Rs. 500/- tupa ama cha.

Biedaona liata Siaha Vaihpi Local Church chhao ta he KPP Headquarters ahawna he zahnia kha reipa cha ta, KPP ta a rahpohpalohpa ta a ei khana chata ama hmaohpakhy awpa he a rohnah tah kaw ei ta, a pasai kawpa ta ama Local Church liata patlosa (pahnieh) awpa ama paryhsa, tahpa biedaopa a cha hra.

KPP Headquarters Election he a ei khana awpa cha ta, zako Dt. 19th June 2014 khata Siaha Town Branch liata President nata Secretary zy awpakhypa ta Adhoc Term Leader zy ko kha chata atlyhpa cha ei ta. He Adhoc Term Leader zy chhihthana zawhzi ta atako tawhta cha Headquarters Leader pitlohpazy ta ama siekhei thei ha aw.  atahma ta Adhoc Term liata O.B zy cha : 1.President – JB. Chozah; 2. Vice President – H.C. Lalawmpuia; 3. Co-ordinator/Secretary – Pro. Pastor A. Zawngia, 4. Asst. Secretary – J. Rubena; 5. Fin. Secretary – Pawbi Chozah zy atlyhpa châ ei ta. H.E.C. Member châta raopazy cha – 1. R.K. Laicho, 2. N. Beikhai, 3. K.Mc. H. Laldinliana, 4. H.C. Kholai, 5. S. Halua, 6. M.C. Lianbuanga, 7. N. Beilua, 8. F. Thangchema, 9. Z. Chialo, 10. H.C. Thasa, 11. K. Zalena, 12. L. Tohu, 13. Edenthara 14. A. Tylua 15. Hmingchungnunga 16. K. Mochônô zy ama cha.

Leave a Reply

Your email address will not be published. Required fields are marked *