ECM ta Golden Jubilee Thapha kawpa ta hmah

Eima Awnanopa ta Rahzohpa chakaona a vaw pathaona tawhta ko 50 a tlohna alyna  “MISSION GOLDEN JUBILEE CELEBRATION” cha Dt. 4th – 6th November 2016 khata Siaha Vaihpi Local Church liata thapha kawpa ta nata aly kawpa ta hmapa a cha. ECM heta he Mission Golden Jubilee Alyna he chi 2 ta siekhei ta, a chikhapa cha Local Church to liata Dt. 1st August 2016 khata Alyna Kyhchhi chhaota hmapa cha ta, a chinona cha Main Celebration cha ta, cha atahma ta eima hmapa he a cha.

img-20161106-wa0006

Rev. VLA Mark ta Mission Golden Jubilee Lobo a pahy

He Main Celebration he Siaha Vaihpi Local Church liata pahniehpa cha ta, vahneichhih kawpa ta Khumi Field (Khumi Evangelical Association) tawhta Missionary Rev. Chheinaw nata K.E.A. Hlapy zy maniah a vaw hlaokhei ei ta, MEC tawhta Golden Jubilee Hlapy chhao daihti chha za liata maniah ama vaw hlaokhei hra.

img-20161106-wa0000

Khumi Evangelical Association Hlapy

He Jubilee Alyna he “Ei thlahpa ta tlao cha se” (Zak. 4:6) hmapa ta Senior Pastor zy ta Abeipa Bietana reih ei ta, Siaha Town chhoh Awnanopa Hlapy nano nanopazy hruapa ama cha. He Jubilee Alyna Atheithlahhana chata Sovenir patohpatiapa cha ta,  cha hleikho ta Rev. Ithra Tluma chabu ropa “Mission Chakaona” tahpazy cha Rev. Dr. Laiu Fachhai, ECM Moderator ta Dt. 5th November 2016 my Apakhyna liata a palahah.

He hleikho ta Mission Golden Jubilee Lobo taopa cha ta, he Lobo he Rev. VLA Mark (Pihno Vaili) ta Dt. 5th November 2016, my pakhy bah tawhta a pahy. He Lobo pahyna he Rev. T. Salaw, ES (Mission) ta chhihtha ta, Rev. C. Thalai ta thlahchhana a hnei.

He Jubilee alyna Program liata Mission Field nano nanopazy Report chhao nahthlie tyhpa a cha.

img-20161106-wa0029 img-20161106-wa0022

Leave a Reply

Your email address will not be published. Required fields are marked *