ECM Pachhuahpanohpa ta Salvation Camping Chhâh 4 hneipa liata mo 319 ta Camping ama ngia

ECM Revival & Evangelism Department pachhuahpanohpa ta paritheipa a taopa nata iahzaipazy châta Albert Bruce Charity Home liata Salvation Camping chhâh palih hapa châ ta, he Camping liata a ngia hapa zydua he mo 319 ama tloh haw.

He Camping liana heta Machâ S. Paima cha Speaker châta hmâpa châ ta, Machâ P. Tluasa cha Director a châ. Counsellor papangawh hnei ei ta, thlahchhâna lâta Machâ JB Khaisa ta a chhihtha hra. He Camping chhôh liana heta Worship Service, Group Counseling nata Personal Counseling ta siekheipa châ ta, he Camping liata a vaw ngia hapazy heta sapa nata thlahpa liata alyna thiehpa thata ama vaw to ei ta, paritheipa iahzaipa rairuna a hneipa hluhpi chhao moleina sei liata ama tahpazy tawhta pachhapa ama châ haw hra.

R & E ta Camping he  Dt. 30th June  – 6th July  2015 khata chhâh 1-na vaw pachhuahpanoh ta, cha liata mo 61 a ngia ei ta, Dt. 7th – 11th July, 2015 khata chhâh 2-na vaw pachhuahpanoh heih ta, cha liata mo 74 a ngia ei ta, a chhâh 3-na cha Dt. 17th – 22nd August 2015 likawh liata tao heihpa châ ta, he daihti liata mo 50 ama ngia heih hra. Atahmâ a chhâh 4-na liana he Dt. 24th August 2015 tawhta pathaopa châ heih ta, he liata 124 ama vaw ngia haw heih hra.  Tawhla, he Camping pachhuahpanohna kyh liana heta Siaha Town chhôh Local Church zy hriapasa kaw ei ta. R & E Committee ryhraonazie hawhta pati âtôh awpa nata a chhoh awpa ta Local Church lâ raipa châ ei ta. Local Church zy ta a pasai kawpa ta niedo awpa hryuhna zydua ama tôh khai tawhta chhoh awpa ta amo Local ta ama rao pâ tyh. He hleikhô ta thlahchhâ awpa ta KNP lâta ahawna taopa a châ hra.

Atahmâ ta Camping chhâh palihna he mylâ my dawh 7-pa ta Camp tawhta pua aw ei ta, Siaha Vaihpi Local Church liata thlahchhâna ama hnei khai tawhta ama o lâ chyu ama di aw. Atahmâ Camping liana heta mo 124 a ngia ei ta, Camping taopa zydua liata ama hluhchaina a châ.

He Camping taona kyh liata Revival & Evangelism Director Rev. Thylua Hlychho ta he hawhna heta a reih:

“He Camping chhôhta Siaha Town chhôh ECM Local Church zy ta nie-do zydua ato khai ei ta, eima ly kaw. A su liata thlahchhâpa Group zy, Beihchhohtuhpazy, Security Duty zy, Camping Shop zy taopa ta Duty raina hawhta a pha kawpa ta hria chyu ei ta, a rôhnah kaw. Camping nôpawzy – Director, Speaker, Deputy Dirctor nata Deputy Speaker zy, Counselor zy chhao tiama kawpa ta Camping chhâh 4-na taihta chakaona hnei ei ta, amozy a piepasana nata thlahchhânazy vâta Camper zy sapa nata thlahpa liata ama thôhkhei kawpa ta ei pahno. Tawhla, he Salvation Camping eima hneina daihti chhôh zydua liata Camping châta tha, sôh nata thlahchhâna ta maniah deichhytuhpa zydua hnohta ECM Revival & Evangelism Committee vyuhpa ta Abeipa mohta alyna bie ei reih. Khazohpa ta nama chakaona he byhna pie mawh sy” tahpa ta eima Admin hnohta a reih.

DSC04558

Camping Speaker Macha S. Paima

all campers

Camper zydua

Counselors

Counselor zy (L-R) : Evan. A.David Beihrosa, N. Beipakypacha, Raymond C. Beipi. Alen Hlychho, Macha N. Chakhei

Director, speaker

(L-R) Rev. Thylua Hlychho, Mc. P. Tluasa, Mc. S. Paima

group counseling1

Counseling Group

group counseling2

Counseling Group

group counseling

Counseling Group

Siaha Vaihpi KNP nata Bethesda KNP zy ta Jehovah Nisi O liata Camper zy chata thlah ama chha

Siaha Vaihpi KNP nata Bethesda KNP zy ta Jehovah Nisi O liata Camper zy chata thlah ama chha

abc home

Albert Bruce Charity Home

group counseling3

Counseling Group

 

2 thoughts on “ECM Pachhuahpanohpa ta Salvation Camping Chhâh 4 hneipa liata mo 319 ta Camping ama ngia

Leave a Reply

Your email address will not be published. Required fields are marked *