ECM New Siaha KTP Golden Jubilee Ropui takin Lawm

IMG_20141003_095453

Evangelical Church of Maraland, New Siaha KTP chuan Golden Jubilee (kum 50-na) chu ropui takin Dt. 2nd October atang khan Dt. 4th October 2014 zan thleng khan an lawm. He Golden Jubilee lawmna Program atan hian a mawi thei ang berin Baloon leh pangpar mawi tak tak nen Biakin chhung leh a pawn nasa takin an chei a, Souvernir an buatsaih bawk a, ni hnih chhung ruai nen ropui takin an lawm a ni.

He Goldren Jubilee Lawmna Program-a tel tur hian Siaha khawpui chhung Branch hruaitu zawng zawng an sawm vek a. Tin, kum 50 chhunga New Siaha KTP Member lo ni tawh leh hruaitu lo ni tawh zawng zawng, ram chhung leh ram pawna awm te a hriat theih ang ang chu an sawm vek bawk a. Mikhual pawh an lo thleng nual nia hriat a ni.

An Program pawh inkhawm Service leh Fellowship nen chhun lam leh zan lamah hun an hmang a, tuna KTP hruaituten hun kaihhruaiin, Speaker atan an Branch-a President leh hruaitu lo ni tawh te an hmang tlangpui a. Zaipawl hrang hrang anmahni Branch KTP Zaipawl bakah, ECM Choir, Gospel Outreach Ministry, Edenthar, Bethlehem, Bethel, Siahatlah, Trinity,  leh KHP ten hmanpuiin hla tha tak tak an remsak a. Tin, malzai, Group zai leh drama tha tak tak nen hlim takin hun an hmang bawk a ni. Heng bakah, 1970 chho bawr vela KSLAP zaipawl pawh an vanglai hla an rem bawk a, a ropui hle.

He Goldren Jubilee atan hian New Siaha KTP Branch chuan thei tawp chhuahin an inbuatsaih a. Decoration atan ringawt pawh Rs. 60,000/- budget a ni a, ruai ni hnih atan Rs. 2,00,000/- an inbuatsaih bawk.

Leave a Reply

Your email address will not be published. Required fields are marked *