ECM Missionary Convention hlaotloh kawpa ta patlô thei

IMG_20141109_115910

ECM pachhuahpanohpa Missionary Convention 2014, Siaha Vaihpi Local Church liata hneipa cha Dt. 6th November 2014 za tawhta pathaopa cha zâhnia Dt. 9th November 2014, Abeipanoh zâ khata patlôpa a châ. He Missionary Convention liana daihti hmâpa he zâ daihti liata zawpizy chhao ta apakhyna hnei tyhpa cha ei ta, Missionary nata zawpizy châta “Lih thu lâ pangai teh” tahpa biepipa hmâpa ta bietana, Awnanopa nôpawzy tawhta nahhlie tyhpa a châ. Mission Field lâ tawhta chhao Report nahthliepa châ tyh ta. He zawpi apakhyna bâ tawhna heta chareipakhyna chhao hnei tyhpa a châ hra.

Nohchho lâ cha Missionary zy châta Seminary hnei khei tyhpa châ ta. Eima Awnanopa nôpawpazy  ta Paper Present ama hnei tyh. He Paper Present a patohpatiatuhpazy he Rev. Ch. Chhama ta “Krista Palôhrupa” tahpa Dt. 7th Nov. 2014 khata Paper Present hnei ta, reipahmaohpa a châ hra. Dt. 8th Nov. 2014 khata Rev. Dr. F.C. Beichô ta ” Paper Present hnei hra ta, Dt. 9th Nov. 2014 khata Machâ T. Rothanga ta “The Needs of Evangelisation in India” tahpa Paper Present a hnei hra.

Abeipanoh my apakhyna liata Mission châta Challenging taopa châ ta, he program he zawpi châta thathyuna thata a pie. Pastor, Missionary nata Awnanopa chhihthatuhpazy hleikhô ta Mission chakaona liata lih thu viapa lâ eima saozy vawh awpa ta âmâ ei ta. Tawhla, apakhyna chhihthatuhpa Rev. Chhuakhu Khithie ta, “Khaozohpa khihnarâh kawh via rili nawpa ta atamy Challenging taopa he tibyh (bucket) hmo kha chhâ cha Abeipa ta a vaw pabie awpa ta ei hnabei aseih,” tahpa ta zawpizy pahaona tao ta, hnabeiseihpa hawh tlai ta tibyh hmo kha tlai Abeipa ta â vaw parôhnâhnasa. He zawpi pahaona (Challenging) taona liana heta thyuna tlohkhypa zydua cha Rs. Rs.85,235/- a châpa ta biedaopa a châ hra. Apakhyna maihta thyuna hnei tyhpa châ ta, a tlohpakhypa cha 29647/- a châ hra.

Atahmâ ta Missionary Convention he a ei 2-na châ ta, ECM ta a tuapapuapa missionary 44 tlai ama kaw hlao thei.  A ei 1-na chhao kô 2005 khata hneipa châ ta, kha daihti liana khata cha Myanmar lâta Missionary zy chhao hruapa ama châ hra.

Missionary zy he mylâ tawhna khita cha ama chakaona su lâ sie pakhua heih awpa ta ama pachhuahpanoh ngâ hai.

IMG_20141109_115953  IMG_20141109_115904 IMG_20141109_115857 IMG_20141109_115841

Leave a Reply

Your email address will not be published. Required fields are marked *