ECM Assembly ei 93-na hlaotloh kawpa ta patlo haw

ECM Assembly ei 93-na cha Chakhei Vaihpi Local Church liata Dt. 24th – 28th February 2016 khata a pha kawpa nata hlaotloh kawpa hneipa a châ. He Assembly liana heta noh thôh chhôh (Pohbiehnoh, Chutyhnoh nata Pachyhnoh) hneipa châ ta, Ryureina chhao a palâ kawpa ta siekheipa a châ.

Ryureina he Dt. 24th February 2016, 9:30 AM ta pathaopa châ ta, Outgoing Moderator Rev. Ch. Chhâmâ ta Moderator Rev. Dr. Laiu Fachhai hnohta Moderator maohphaona zydua hlâ ta, Rev. Dr. Laiu Fachhai ta Ryureina nata Apakhyna zydua a chhihtha. He Assembly ei 93-na liana heta Assembly Member a tlôpa zydua cha 357 ama cha. Delegate vaw tlô theipazy cha – NEICC, BCM, MPC, CCI(M), MEC, zy ama châ. Khichhai a tlôpa zydua (Assembly Member nata Delegate zy chhao reipa ta) 913 châ ta, Assembly ei 94-na cha Zyhno Local Church liata hnei awpa ta pathlupa a châ aw.

Chakhei Vaihpi Local Church

Chakhei Vaihpi Local Church

Kô 2016 Budget chhao Rev. P. Riabi, Senior Executive Secretary ta a phaw ta, ano Department nata Portfolio topazy angiahna a reihpasia ta, Rev. Dr. F.C. Beichô chhao ta ano Department topa sôh ngiahpa nata hmâ awpazy reihpasia hra ta. Rev. T. Salaw chhao ta Mission Department sôh hmâ awpa ta patohpatiapazy a reih papua hra. 2016 Budget châta sôh a pyhpazy cha General Department (Pastoral & Education) Rs. 1670.50 lakh nata Mission Department châta Rs. 370 lakh a pyhpa a cha. He liana heta eima thyu awpa (KTV, Beihpari nata Local Mission Target) cha 1172.50 lakhs châ ta, zâkô budget hlâta zawpi thyu awpa he 34.91 lakhs a châ.

Atakô liana heta Rev. J.R. Sanga cha pihsi awpa ta Abeipanoh my liata pathliepa châ ta, chanota Pro Pastor papalih – M. Beichi, Joseph Kôma Chozah, George B. Solo nata SBH Sathei Thlyutha zy cha chahnaopa ama châ.

Mr. & Mrs Rev. J.R. Sanga with Pro. Pastor A.Zawngia

Rev. J.R. Sanga Pathliena

Pastor chata Ordained Thiehpa (L-R) Mr & Mrs. M. Beichi, Mr & Mrs Joseph Koma, Rev. P. Riabi, Mr & Mrs George B. Solo nata Mr & Mrs. VBH Sathei Thlyutha

Pastor chata Ordained Thiehpa (Front L-R) Mr & Mrs. M. Beichi, Mr & Mrs Joseph Koma, Rev. P. Riabi, Mr & Mrs George B. Solo nata Mr & Mrs. VBH Sathei Thlyutha

Assembly ei 93-na a patlôtuhpa Chakhei Local Church heta khichhai aly-uana dâh thai kaw ei ta, khichhai a tlôpazy ta Chakhei Awnanopa ama piepasana nata phana ama reithai kaw. Ryureinoh maih ta Ryureihpa nata khichhai a tlopazy chata kyhchhina pati ama pachhuahpanoh tarawpa ta Pohbiehnoh cha va a suah hapa vata tao thei khao leipa cha ta, chavata noh no kyhchhina ama patohpatia thei.

Biepathlupa peimawh viapa thokhazy cha he Website liana heta thlai vaw soh awpa eima chhuah aw.

Leave a Reply

Your email address will not be published. Required fields are marked *