92nd ECM Assembly Patlôpa a châ haw

ECM Assembly ei 92-na, Edenthar Local Church liata Dt. 18th – 22nd March 2015 hneipa cha a palâ kawpa ta siekhei theipa châ ta, zâhnia zâ Dt. 22nd March 2015 khata pachhâpa a châ haw. Ryureina noh thôh – Pohbiehnoh, Chutyhnoh nata Pachyhnoh my 9:30 AM – 4:00 PM likawh liata hnei tyhpa châ ta, a daihti ta liata Ryureina chhao patlô theipa a châ hra.

ECM Assembly

Rev. Dr M. Zakonia, Outgoing Moderator

Noh khana Ryureina liata Moderator athlana hneipa châ ta, Moderator a siekhei ngâhaipa Rev. Dr. M. Zakonia ta Moderator-Elect, Rev. Ch. Chhama hnohta Moderator châna hlâpa ta, he khai tawhta Rev. Ch. Chhama cha Moderator châpa ta ano chhihthana ry liata Ryureina nata Apakhyna zydua siekheipa a châ haw.

ECM Assembly Moderator

Rev. Ch. Chhama, Moderator

Zahnia Abeipanoh ta Ordination & Induction Service hneipa châ ta, Probationary Pastor C. Teichinthang nata C. Patea zy cha Pastor pitlohpa lâta Ordination piepa châ ei ta, Probationary Pastor châta – 1. St. K.C. Thanching, Siata; 2. Puhpa Tlyzaw Beihlo Lapi, Kaochao ‘E’. 3. St. N. Beihruakhai, ECM Vaih (Shalom), Siaha; 4. St. Stephen C. Beihrosia, Lobo; 5. St. T. Beipathai, N. Colony nata St. K. Leader, Tipa ‘V’ zy pa-ipa ama châ.

DSC_0554 DSC_0546 IMG_20150319_145330

Assembly Nôpaw châta raopazy cha:

1. Moderator Elect – Rev. Dr. Laiu Fachhai

2. Secretary Junior – Machâ KH Beithie

3. Statistician – Machâ T. Lala

4. Finance Officer – Rev. Dr. M. Zakonia

Nomination Committee ta tovyuh a rao thiehpa thokhazy :

1. KNP President Elect – Pihnô Siavaw Thlana, Council Vaih.

2. KTP Secretary – Pro. Pastor Joseph Kômo Chozah.

3. KHP Co-ordinator – Pihnô K. Dasei

4. Social & Development Co-ordinator – Ls. Ellen Hlychho

Assembly Ryureina Biepathlupa Thokhazy :

1. Eima râh MADC chhôh liata sahma zua (permit) pie pasai lei awpa ta MADC lâta tlôkhei awpa.

2. Lakher Pioneer Missionary zy Thlâ su he ECM ta pabohsana nata mohhôhna he hmahla awpa.

3. Saikao Pastor Bia paduapathi heih awpa ta Rev. VLA Mark (Pihnô Vaili) ahawna hawhta tao awpa.

4. ECM Offset châta Full Color Printer chalei awpa.

5. EMM (Evangelical Media Ministry) chhaichhi chalei nawpa ta Rs. 7 lakhs.

6. Nôvah Pathaihpa ahneina liata chhôhkha lâ tawhta chysia rôh alyupa (Uniform) ama hnei tyhpazy tao khao lei awpa ta Assembly ta hmahla awpa.

7. Kaochao ‘E’ to Tôkalô BRTF Road he a chatlie viapa ta raihriapa a châ thei nawpa ta ECM Assembly ta biehneituhpazy hnohta tlôkheipa châ mawh sy.

8. ECM ta a paduapa School zy liata ECM Doctrine pachupa cha mawh sy.

9. Paniel Bible School paduapathi heihpa cha sala, Machâ nata Khichhôh Machâ zy châta Mobie Theology hneikheipa châ mawh sy.

10. Annual Budget châta Rs. 1803.98 lakhs (General châta Rs. 1446.98 lakhs nata Mission châta Rs. 357.00 lakhs) a pyhpa a châ hra. (Minute Bu he Download thei awpa ta soh eima vaw chhuah aw)

92nd ECM Assembly liata khichhai tlôpazy duasu cha : A zydua ta Ryureipa cha 393a ma châ. Aki chochâ viapa ta:

(a) Pastor – 33 (b) Pro. Pastor – 8 (c) Pensioner – 6 (d) KNP Representatives – 2 (e) KTP Representatives – 1 (f) Delegates – 9 (g) Mission Pastor – 3 (h) Special Invitee – 3 (i) Presbytery No. 1 – 62 (j) Presbytery No. 2 – 60 (k) Presbytery No. III – 70 (l) Presbytery No. IV – 63 (m) Presbytery No. V – 73 ama châ.

2 thoughts on “92nd ECM Assembly Patlôpa a châ haw

Leave a Reply

Your email address will not be published. Required fields are marked *