92nd ECM Assembly Dt. 18th -22nd March 2015 ta Edendar Local liata

ECM Awnanopa ryureina sahchaipa “ECM Assembly ei 92-na” cha 91st Assembly, New Siaha Local Church Ryureina ta a vaw pathlupa hawhta Edenthar Local Church liata hnei awpa châ ta,  a daihti châta Dt. 18th – 22nd March 2015 raopa a châ. He Assembly Program (Tentative) he Dt. 4th August 2014 khata Mc. JC. Mawsi, Secretary (Sr), ECM Assembly : Siaha tawhta puapa châ  ta, a biepipa châta “Na khih nah râh vaw tlô mawh sy” (Mt. 6:00) tahpa hmâpa a châ  aw.

Tentative Program liata â lâna dâh liata Dt. 18th March 2015(Tlôpaki zâ) liata Rev. K. Itei ta Assembly Pahyna (Inauguration) châ aw ta, Rev. Dr. M. Zakonia, Moderator ta Welcome Speech a reih aw. He zâ liana heta Rev. P. Riabi, Sr. Executive Secretary tawhta Report nahthliepa châ aw ta, Ryureina liata Moderator athlana y aw ta, a myla tawhta Rev. Ch. Chhama, Moderator ta daihti zydua a chhihtha bâ  aw.

Speaker châta raopazy cha – Rev. JR Sanga (19/3/15 zâ), MEC Delegate (20/3/15 zâ), Rev. VL Ngaia Hlychho (21/3/15 zâ), Rev. P. Riabi (22/3/15 my – Induction & Ordination Service), Rev. Dr. M.Zakonia, Outgoing Moderator (22/3/15, za – Veledictory Service) a châ aw. Bible Study liata Rev. Khabi Chozah (19/3/15 my), Rev. VL Malsawmdawngkima (20/3/15), Rev. Henry C. Lalenkawla (21/3/15), Rev. RK Chozah (22/3/15) a cha aw.

Hlapy rao chhieliepazy cha – Siahatlah, New Siaha, College Vaih, Bethel, Siaha Vaihpi, Amôtlâh, Meisavaih, New Colony, Immanuel, ECM Choir, Gilgal, Gospel Outreach Ministry zy châ ei ta, Hla chhihtha awpa ta rao chhieliepazy cha – Bethesda, Council Vaih, Bethany nata Edenthar KTP Branch zy ama châ.

Fellowship liata Leader zy cha – Rev. S. Beizawzi, Rev. NC Beihrosia, Rev. Beipisâ Miehlô nata Rev. S. Beihruasa zy châ  ei ta, Speaker châta – LIKBK Delegate, PCI Mizoram Synod Delegate, CCI(M) Delegate, BCM Delegate zy raopa nata hnabeiseihpa ama châ hra. Tawhla, Fellowship Hla chhihtha awpa ta – Shalom, Ebenezer, Bazar KTP Branch nata Gospel Outreach Ministry zy rao chhieliepa ama châ hra.

3 thoughts on “92nd ECM Assembly Dt. 18th -22nd March 2015 ta Edendar Local liata

  1. admin Post author

    Dear St. Angel, news a vaw thyutuh penawh spelling chôchâh liata ama tiama via awpa ta eima vaw haw aw sy. Eima châ ly kaw.

    Reply
  2. Laiu Fachhai

    A daihti he March thlapa ma a châ haw bâ? Feb last week liata hnei tyhpa châ khiah ma tah na ta. Feb he siku exam daihti a châ tyhpa vâta March lâta pasiepa cha hmo pha kawpa a châ tlai.

    Reply

Leave a Reply

Your email address will not be published. Required fields are marked *